21 октомври 2025
• од Станча Јаќимовски
Политичкиот аналитичар Иво Ранѓеловиќ во вечерашното издание на емисијата „Топ тема“ на Телма телевизија ја коментираше победата на ВМРО-ДПМНЕ на локалните избори, оценувајќи ја како очекувана, додека реакциите на СДСМ ги нарече „бесмислени и обиди за релативизација на поразот“.
„Чесно е да се признае. Победата е таква каква што е – очекувана. Од сега па натаму, поголема борба ќе има кој ќе биде лидер на опозицијата, отколку кој ќе победи на следните избори,“ изјави Ранѓеловиќ.
Аналитичарот особено се осврна на ситуацијата во Кочани, каде што, според него, излезноста на изборите го покажала најдлабокото морално пропаѓање во државата.
„Ако трагедијата во Кочани е најголема од осамостојувањето, тогаш излезноста таму манифестира најголема мизерија. Наместо народот да бојкотира во знак на протест за загубените детски животи и родителите кои секојдневно протестираат, тие гласаа за истите партии кои го создадоа системот што ги проголта тие деца,“ нагласи Ранѓеловиќ.
Тој додаде дека со ваквото гласање, граѓаните ги погребале не само родителите на загинатите деца, туку и надежите за морално и праведно општество.
„Очекував бојкот на изборите, ако не на ниво на цела држава, тогаш барем во Кочани,“ заклучи аналитичарот.
Ненадминливи Понуди Дневно
4.8 (10276 рецензии)
Заштедете 152.00 ден