Прослава во Тетово: коњаници со албански знамиња го блокираа кружниот тек

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Прослава во Тетово: коњаници со албански знамиња го блокираа кружниот тек

28 ноември 2025

• од Станча Јаќимовски

Во центарот на Тетово на 28 ноември, група граѓани кои ја славеа годишнината од Денот на албанското знаме, на коњи и со албански знамиња, привремено го блокираа движењето на автомобилите низ неколку централни улици.

На видеото објавено од локалниот медиум „Тетово инфо“ може да се забележи целосно затворен кружен тек, додека големи колони возила стојат во застој. Дел од возачите, видно вознемирени, излегувале од автомобилите, обидувајќи се да најдат начин да се пробијат низ толпата.

Проблеми и во делови на Скопје

Слични сообраќајни отежнувања беа забележани и во скопската општина Чаир, каде попладнето речиси беа блокирани делови од улиците кон Бит Пазар. Според сведочења од граѓани, движењето било дозволено само во лентите резервирани за дефилето, додека останатите ленти и околните приоди биле непроодни.

Колоните возила под полициска придружба тргнувале од зградата на Општина Чаир кон плоштадот Скендер-бег.

Реакции од јавноста

На социјалните мрежи, дел од граѓаните изразија револт, критикувајќи го запирањето на сообраќајот, но и отворија поширока дебата за начинот на јавно одбележување на национални и културни симболи во земјата.

Што претставува празникот?

Денот на албанското знаме се слави во Албанија, но и меѓу етничките Албанци во регионот и дијаспората. Празникот е симбол на културна самосвест и национален идентитет, а традиционално се одбележува со официјални манифестации, паради и јавни собири.