18 ноември 2025
• од Станча Јаќимовски
Полициски службеници од СВР Велес вчера околу пладневните часови го привеле 45-годишниот М.Ј. од Штип, кој бил затекнат како управува луксузно возило „Бентли“ со речиси трипати поголема брзина од дозволената на експресниот пат Лозово – Велес.
Инцидентот се случил во близина на крстосницата за селото Мамутчево, каде што максималната дозволена брзина е ограничена на 50 километри на час. Според информациите на портпаролот на СВР Велес, Биљана Ѓаковска, радарската контрола утврдила дека возачот се движел со неверојатни 143 километри на час, со што директно го загрозил сообраќајот и безбедноста на останатите учесници.
По утврдување на прекршокот, М.Ј. бил веднаш лишен од слобода и префрлен во полициска станица. За случајот бил известен јавен обвинител, а од СВР Велес информираат дека по целосното документирање на настанот против возачот ќе биде поднесена пријава по член 297-а од Кривичниот законик – „Безобѕирно управување со моторно возило“.
Надлежните апелираат до сите учесници во сообраќајот да ги почитуваат сообраќајните правила и ограничувања на брзината, со цел да се превенираат несреќи и да се зачува безбедноста на патиштата.
Ахмети му честита на Хамза: ПДК е државотворна партија и наследничка на УЧК
Ненадминливи Понуди Дневно
4.8 (10276 рецензии)
Заштедете 152.00 ден

