08 ноември 2025
• од Станча Јаќимовски
Пратеничката од коалицијата Влен, Имерлије Салиу, предизвика вистински политички шок со нејзината објава на социјалните мрежи. Таа напиша дека Беким Сали, член на Влен и поранешен министер, ќе биде „премиер на Албанците во Северна Македонија“, што многумина го протолкуваа како сигнал за фактичка федерализација на државата.
Според објавата, Сали наскоро се очекува да биде назначен за прв вицепремиер во новата влада на Христијан Мицкоски, со што, како што наведува Салиу, ќе ја преземе улогата на „премиер на Албанците“.
Објавата предизвика бројни реакции во јавноста и политичките кругови. Дел од граѓаните и аналитичарите сметаат дека ваквите изјави внесуваат дополнителни тензии и отвораат опасни етнички поделби во државата.
Она што е најтрагично, како што коментираат некои политички аналитичари, е тоа што Салиу, како пратеничка, дава заклетва дека ќе го почитува Уставот и законите на Република Северна Македонија, а функција под називот „премиер на Албанците“ не постои во државниот систем.
Ваков тип и формат на двојна извршна власт, велат експертите, постојат единствено во федеративни или бинационални држави, но не и во унитарна држава каква што е Северна Македонија.
Дел од поддржувачите на Влен тврдат дека изјавата на Салиу е повеќе симболичен политички гест, со цел да се истакне зголеменото влијание на Албанците во новата влада. Сепак, јавноста останува поделена околу тоа дали ваквата реторика претставува демократски израз на еднаквост или чекор кон опасна етничка сегрегација.
Бугарски аналитичар со остра анализа: С. Македонија работи против своите интереси
Насер Селмани: Албанските гласачи беа притиснати и манипулирани на изборите
Албин Курти ги пофали Албанците во Северна Македонија и владеењето на ВЛЕН,
Ненадминливи Понуди Дневно
4.8 (10276 рецензии)
Заштедете 152.00 ден

