Повеќе од 60 скопјани казнети поради фрлање ѓубре по 22 часот

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Повеќе од 60 скопјани казнети поради фрлање ѓубре по 22 часот

29 јануари 2026

• од Станча Јаќимовски

Над 60 граѓани во Скопје се казнети со парична глоба од по 50 евра откако инспекциските служби ги затекнале како одлагаат отпад по 22 часот. Забраната за вечерно фрлање ѓубре е веќе на сила неколку месеци, а периодот на опомени и прилагодување заврши, по што инспекторите започнаа со ригорозно спроведување на мерките.

Телевизијата „Сител“ направи обиколка на повеќе локации низ градот и забележа дека главните булевари се значително почисти, со празни и уредни контејнери. Сепак, во дел од маалските населби сè уште може да се забележи преливање на отпад и неправилно одлагање.

Градоначалникот на Скопје изрази задоволство од досегашните резултати, истакнувајќи дека мерката придонела за воспоставување поголем ред и дисциплина во управувањето со комуналниот отпад. Според него, ваквиот пристап е неопходен за подобрување на хигиената и квалитетот на живот во главниот град.

Податоците од Град Скопје покажуваат дека инспекторите за животна средина во последните три месеци извршиле повеќе од 45 вонредни контроли, најмногу во кругот на ОХИС, Стаклара и општина Сарај. За утврдените неправилности биле изречени казни во износ од 1.000 до дури 53.000 евра. Одговорни лица за управување со отпад добиле глоби од 3.000 евра, додека физичките лица биле казнувани со износи од 250 до 500 евра за неправилно одлагање и палење отпад.

Паралелно со тоа, комуналната инспекција спровела и 240 контроли на градилишта низ Скопје. При овие надзори биле издадени 25 опомени и 11 парични казни од по 1.300 евра за непочитување на прописите.

Надлежните најавуваат дека засилените контроли ќе продолжат и во наредниот период, со цел да се одржи редот, да се спречи загадувањето и да се подигне свеста кај граѓаните за одговорно постапување со отпадот.