Претстојната 2026 година носи добра вест за граѓаните – ќе има повеќе продолжени викенди во споредба со годината што ја испраќаме. Новата година започнува со неработен ден во четврток, 1 јануари, што овозможува уште на самиот почеток можност за подолг одмор.
Неработни денови за сите граѓани на Република Северна Македонија во 2026 година:
-
1 јануари (четврток) – Нова година
-
7 јануари (среда) – Божиќ (прв ден, според православниот календар)
-
20 март (петок) – Рамазан Бајрам (прв ден)
-
13 април (понеделник) – Велигден (втор ден, според православниот календар)
-
1 мај (петок) – Ден на трудот
-
24 мај (недела) – „Св. Кирил и Методиј“ – Ден на сесловенските просветители
- 25 мај (понеделник) е неработен ден
-
2 август (недела) – Ден на Републиката
- 3 август (понеделник) е неработен ден
-
8 септември (вторник) – Ден на независноста
-
11 октомври (недела) – Ден на народното востание
- 12 октомври (понеделник) е неработен ден
-
23 октомври (петок) – Ден на македонската револуционерна борба
-
8 декември (вторник) – „Св. Климент Охридски“
Неработни денови за граѓаните од православна вероисповед:
- 6 јануари (вторник) – Бадник
- 19 јануари (понеделник) – Богојавление (Водици)
- 10 април (петок) – Велики петок
- 29 мај (петок) – Духовден (петок пред Педесетница)
- 28 август (петок) – Успение на Пресвета Богородица (Голема Богородица)
Неработни денови за граѓаните од католичка вероисповед:
- 6 април (понеделник) – Велигден (втор ден)
- 1 ноември (недела) – Сите светци
- 25 декември (петок) – Божиќ (прв ден)
Неработни денови за граѓаните од исламска вероисповед:
- 27 мај (среда) – Курбан Бајрам (прв ден)
Неработни денови според заедниците:
- 22 ноември (недела) – Ден на албанската азбука
(за граѓаните од албанската заедница)
- 27 јануари (вторник) – Свети Сава
(за граѓаните од српската заедница)
- 8 април (среда) – Меѓународен ден на Ромите
(за граѓаните од ромската заедница)
- 23 мај (сабота) – Национален ден на Власите
(за граѓаните од влашката заедница)
- 21 септември (понеделник) – Јом Кипур
(за припадниците на еврејската заедница)
- 28 септември (понеделник) – Меѓународен ден на Бошњаците
(за граѓаните од бошњачката заедница)
- 21 декември (понеделник) – Ден на настава на турски јазик
(за граѓаните од турската заедница)
Со ваков распоред на празници, 2026 година нуди повеќе можности за планирање одмори и продолжени викенди, што сигурно ќе биде од корист за граѓаните и семејствата низ целата држава.