Полицаец од Скопје уапсен за изнуда – барал 20 илјади евра, суспендиран од работа

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Полицаец од Скопје уапсен за изнуда – барал 20 илјади евра, суспендиран од работа

27 декември 2025

• од Станча Јаќимовски

Полицаец од Скопје е уапсен под сомнение за сторено кривично дело изнуда, откако од граѓанин наводно побарал 20.000 евра. По пријавата, против него се преземени и дисциплински мерки, а привремено е отстранет од работното место.

Случајот бил откриен по претходна пријава од граѓанин, кој го пријавил полицискиот службеник Х.З. (48) од Секторот за криминалистички работи – Гази Баба. По пријавата, Секторот за внатрешна контрола, криминалистички истраги и професионални стандарди при Министерството за внатрешни работи започнал со мерки и активности за целосно расчистување на настанот.

Според наводите во пријавата, Х.З., заедно со други лица, во повеќе наврати побарале од оштетениот износ од 20.000 евра, тврдејќи дека парите наводно биле земени од нив од синот на пријавителот. По ова, полицијата спровела криминалистичко-техничка обработка на паричните средства.

На 25 декември 2025 година, во реонот на Центар во Скопје, веднаш по предавањето на парите, осомничениот бил лишен од слобода. При извршениот личен претрес кај него биле пронајдени 20 банкноти во апоени од по 50 евра.

Осомничениот бил задржан во полициска станица, а Единицата за насилни кривични дела при СВР Скопје поднела кривична пријава до Основното јавно обвинителство Скопје против Х.З., поради основано сомнение дека сторил кривично дело „изнуда“, казниво според член 258 од Кривичниот законик.

Во меѓувреме, Секторот за внатрешна контрола ќе достави предлог за поведување дисциплинска постапка против полицискиот службеник, при што ќе му биде изречена задолжителна мерка – отстранување од работното место до завршување на дисциплинската постапка. Дополнително, судијата на претходна постапка му определил мерки на претпазливост на осомничениот.