Османи: Мицкоски јавно негира, а приватно праќа пораки за затоплување на односите

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Османи: Мицкоски јавно негира, а приватно праќа пораки за затоплување на односите

30 август 2025

• од Станча Јаќимовски

Кандидатот за градоначалник на општина Чаир од редовите на ДУИ, Бујар Османи, остро реагираше на последните изјави на премиерот Христијан Мицкоски, кој најави дека партијата на Алијансата за интеграција ќе изгуби на следните избори и ќе мора да премине во опозиција. Според Османи, ваквите јавни настапи се во спротивност со приватните пораки што ВМРО-ДПМНЕ ги испраќа кон ДУИ.

Јавни изјави и приватни пораки

„Нормално, премиерот во јавност дава такви пораки, сметајќи дека така ќе им помогне на коалиционите партнери, меѓутоа не пушта такви пораки во приватните канали. Други пораки се праќаат до ДУИ за да се затоплат односите,“ изјави Османи.

Тој оцени дека обидите Албанците да се третираат како „пазарна категорија“ се крајно навредливи и недемократски. „Албанците нема да дозволат некој да ги потчини, како да се во дуќанче, туку ќе одлучуваат сами кој ќе ги претставува,“ порача тој.

Обвинувања за наметнување „свои“ Албанци

Османи го обвини премиерот дека настојува да инсталира „свои Албанци“ во институциите – луѓе без вистински легитимитет кои би служеле како декоративни претставници. „Треба да седнам во седиштето на ВМРО-ДПМНЕ и да станам пријател со Мицкоски, па тој да ми назначи министер – како што направи со своите поранешни заменици и директори,“ рече Османи.

Притоа, тој се повика и на историскиот пример со Рахман Морина од Косово, нагласувајќи дека Албанците никогаш нема да дозволат некој друг да одлучува во нивно име.

Анкетите во корист на ДУИ

Според Османи, актуелните анкети покажуваат јасна предност за Алијансата за интеграција во однос на ВЛЕН. „Анкетите покажуваат 3 спрема 1 победа на Алијансата за интеграција наспроти ВЛЕН. И Мицкоски тоа го знае, затоа секојдневно ни праќа пораки за затоплување на односите,“ истакна тој.

„Дволичност“ на власта

Во завршница, кандидатот за градоначалник на Чаир ја осуди, како што ја нарече, дволичноста на владејачката структура – едни пораки за јавноста, а сосема други зад затворени врати. „Морам да бидам искрен, не можам веќе да ги слушам овие различни ставови – едно приватно, едно јавно,“ заклучи Османи.