Оливер Андонов: Внесувањето на Бугарите во Уставот само по себе не е проблем

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Оливер Андонов: Внесувањето на Бугарите во Уставот само по себе не е проблем

01 февруари 2026

• од Станча Јаќимовски

Во подкастот Почетна пресметка, Проф. д-р Оливер Андонов, редовен професор на Катедрата за безбедност и кризен менаџмент, заштита и спасување, изнесе јасни и недвосмислени ставови за актуелната дебата околу Бугарите во Македонија и нивното внесување во Уставот.

Андонов истакна дека постоењето граѓани кои се чувствуваат Бугари е сосема природно и нормално во едно мултиетничко општество, нагласувајќи дека националната или етничката самоидентификација не смее да биде основ за негирање или условување на човековите права.

„Како што има Македонци, Албанци, Срби, Турци, Роми, Власи и други заедници, така има и луѓе кои се чувствуваат Бугари. Тоа нема никакво значење кога станува збор за човековите права – тие му припаѓаат на секој човек“, порача Андонов.

Според него, самиот внес на Бугарите во Уставот не претставува суштински проблем, што, како што рече, го знаат и водечките политички актери во земјата. Вистинскиот проблем, според Андонов, е што ова прашање е свесно избрано и злоупотребено како средство за отворање вештачки спор, со цел Македонија да се задржи надвор од Европската Унија.

„Бугарите се избрани како инструмент преку кој Македонија води измислен спор, не заради нив, туку за да не може државата да се придвижи кон Европската Унија“, истакна тој.

Во продолжение на разговорот, Андонов оцени дека ваквиот пристап ја држи земјата во состојба на долготрајна политичка и стратешка стагнација, без јасна насока и без визија за иднината.

„Ние со години сме во состојба на лимбо – ниту одиме напред, ниту сме подготвени да донесеме одлука за алтернативен пат. Не се движиме кон Европската Унија, не бараме нови партнерства и не градиме јасна стратегија. Стоиме негде, а во суштина сме нигде“, заклучи Андонов.

Изјавите на професорот повторно ја отворија јавната дебата за тоа дали уставните измени навистина се пречка за европската интеграција или, пак, служат како изговор за одржување на статус кво состојбата во која Македонија со години тапка во место.