Од кујни за сиромашни до ладен оброк: каде одат 1,5 милиони евра во Скопје?

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Од кујни за сиромашни до ладен оброк: каде одат 1,5 милиони евра во Скопје?

25 март 2026

• од Станча Јаќимовски

Наместо топол и достоинствен оброк, најранливите граѓани во главниот град често добиваат ладна, оскудна и несоодветна храна – иако државата плаќа 239 денари по оброк. Ова го покажува истражување на БИРН и Центарот за граѓански комуникации (ЦГК), кое открива сериозни отстапувања од тендерот вреден околу 1,5 милиони евра годишно.

Мени на хартија, друга реалност

Иако договорот предвидува готвени оброци во текот на работната недела и пакети за викенд, во пракса корисниците често добиваат ладна и сува храна која не одговара на предвиденото мени.

Во еден конкретен случај, наместо мерлуза со ориз и салата, биле поделени лепињи, конзервирани производи, сок и парче торта. Во други случаи, наместо мусака се делел спанаќ, а некои оброци се сведувале на макарони со леб или неколку парчиња ладна храна со минимално количество зеленчук.

Храна на улица, наместо во соодветни услови

Тендерот предвидува оброците да се сервираат во соодветни простории, но реалноста е поинаква. Во повеќе делови од Скопје храната се дели директно од комбиња, на тротоари или импровизирани паркинзи.

Во населбата Ченто, граѓаните чекаат во редици пред руиниран објект, додека оброците им се подаваат од возило. За многумина, тоа е единствениот оброк во текот на денот.

„И ние сме луѓе, не сме добиток“, изјави револтирана постара жена.

Лош квалитет, но благодарност од нужда

И покрај критиките за квалитетот, корисниците често изразуваат благодарност – особено затоа што минатата година останале без оброци неколку месеци поради доцнење на тендерот.

Сепак, тие отворено се жалат на ладната и недоволна храна. Како поприфатливи оброци ги издвојуваат гравот, оризот со месо и грашокот.

Големи разлики во цените

Истражувањето открива значителни разлики во цената по оброк меѓу градовите:

Скопје: 239 денари
Тетово: 105 денари
Куманово: 313 денари

Според пресметките на БИРН, реалната вредност на еден од анализираните оброци на пазарот изнесувала околу 111 денари – речиси двојно помалку од сумата што ја плаќа државата.

Институциите без реакција

Компанијата „Пати Сервис Лео“, која го спроведува тендерот, тврди дека договорот се почитува и дека евентуалните отстапувања се изолирани случаи поради технички проблеми.

Министерството за социјална политика, пак, наведува дека не утврдило неправилности и дека нема примено официјални поплаки од корисниците.

Но, организациите кои го следеле процесот предупредуваат дека реализацијата на терен значително отстапува од она што е наведено во документите.

„Се плаќа многу, а ние сме гладни“

Многу корисници биле изненадени кога дознале дека државата плаќа околу 7.200 денари месечно по лице.

„Толку пари, а ние пак сме гладни. Барем повеќе леб да ни дадат“, велат тие.

Истражувањето отвора сериозни прашања за транспарентноста, контролата и ефикасноста во трошењето јавни средства – особено кога станува збор за најранливите категории граѓани, за кои овие оброци не се избор, туку нужност.