Од денес стартува „Безбеден град“: Камерите ќе казнуваат, но и ќе предупредуваат

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Од денес стартува „Безбеден град“: Камерите ќе казнуваат, но и ќе предупредуваат

01 февруари 2026

• од Станча Јаќимовски

Од денес официјално започнува примената на проектот „Безбеден град“, со кој автоматскиот систем за видео-надзор во сообраќајот преминува од фаза на предупредување во фаза на санкционирање. Ова го соопшти министерот за внатрешни работи, Панче Тошковски, нагласувајќи дека целта на системот не е казнување, туку зголемување на безбедноста во сообраќајот и спасување човечки животи.

„Нема повеќе да има предупредувања за оние што прават прекршоци – ќе се изрекуваат казни согласно системот што го имплементираме. Овој систем не е за репресија, туку за заштита на човечки животи, бидејќи човечкиот живот нема цена“, изјави Тошковски во гостување на РТВМ.

Нова регулатива со зголемена толеранција

Министерот информираше дека од вчера е во сила нова регулатива со која се зголемува прагот на толеранција за брзина, по бројните реакции од јавноста во почетната фаза на проектот.

Според новите правила:

До 50 km/h – толеранцијата останува 6 km/h
→ Ако ограничувањето е 30 km/h, камерата нема да регистрира прекршок до 36 km/h, а ќе регистрира од 37 km/h.
Од 50 до 100 km/h – толеранцијата е зголемена на 9 km/h
→ Ако ограничувањето е 50 km/h и возите со 51 km/h, ќе добиете известување, но санкција ќе следи ако возите со 60 km/h.
Над 100 km/h – толеранцијата изнесува 12 km/h
→ При ограничување од 100 km/h, санкција ќе има доколку возите со 113 km/h или повеќе.

Регулативата е донесена во консултација со експерти, универзитетски професори и претставници на Министерството за енергетика и Министерството за внатрешни работи.

Информативни пораки наместо казни

Во рамки на унапредувањето на сообраќајната безбедност, министерот најави и нов проект кој ќе се реализира со поддршка на Македонски Телеком.

За сите прекршоци направени во рамките на дозволената толеранција, граѓаните ќе добиваат СМС-пораки со предупредување, со кои ќе бидат информирани дека иако нема да бидат казнети, сепак ја надминале законски дозволената брзина.

„Целта е да се подигне свеста кај возачите, а не да се полни буџетот со казни“, истакна Тошковски.

Кривична одговорност при последици

Министерот предупреди дека толеранцијата не значи ослободување од одговорност во случај на сообраќајни несреќи со тешки последици.

„Ако, не дај Боже, некој вози со 55 km/h таму каде што е дозволено 50 km/h и притоа нанесе тешки телесни повреди на пешак, ќе сноси кривична одговорност“, порача Тошковски.

Проектот „Безбеден град“ има за цел намалување на бројот на сообраќајни несреќи, повредени и загинати лица, преку превенција, контрола и одговорно однесување во сообраќајот.