Обвинителството ќе се жали: Судот одреди куќен притвор за напаѓачот на Арсовска

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Обвинителството ќе се жали: Судот одреди куќен притвор за напаѓачот на Арсовска

12 јули 2025

• од Станча Јаќимовски

Судот одлучи да му одреди куќен, наместо ефективен притвор на првоосомничениот за нападот врз градоначалничката на Скопје, Данела Арсовска – одлука која предизвика незадоволство кај Основното јавно обвинителство Скопје. Надлежното обвинителство најави дека ќе поднесе жалба против ваквата судска одлука.

„За првиот осомничен судот определи мерка куќен притвор. Обвинителството не е задоволно од ваквата одлука и ќе вложи жалба, барајќи ефективен притвор поради наведените ризици во првичното барање“, соопштија од Обвинителството. Во однос на второосомничениот, судот ги прифатил предложените мерки на претпазливост.

Обвинителството поведе постапка против две лица за кривично дело – Насилство, по член 386 став 3 во врска со став 1 од Кривичниот законик. Инцидентот се случил вчера, кога градоначалничката Арсовска, заедно со вработени во градските служби, извршувала вонреден надзор на нелегален објект во изградба на улицата „Севастополска“ во Скопје.

Првоосомничениот, кој се претставил како сопственик на објектот, почнал грубо да ја навредува, да ѝ се заканува, а потоа и физички ја нападнал градоначалничката. Интервенирале останатите присутни службени лица и припадници на МВР, но во инцидентот се вклучило и второосомниченото лице, кое продолжило со вербални закани.

Според Обвинителството, со своите дејствија осомничените предизвикале чувство на страв, загрозување и несигурност кај јавноста и присутните на местото на настанот. За делото за кое се товарат, предвидена е казна затвор.

Обвинителството ќе се бори за построга мерка притвор, имајќи ги предвид сериозноста на инцидентот и ризиците од повторување на делото.