Нов шок за граѓаните: цигарите поскапеа за 10 денари

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Нов шок за граѓаните: цигарите поскапеа за 10 денари

01 септември 2025

• од Станча Јаќимовски

Од 1 септември, македонските граѓани повторно се разбудија со нова горка реалност – дел од цигарите поскапеа за 10 денари по кутија. За држава во која речиси половина население е зависно од тутунот, ова не е само обично поскапување, туку нов удар врз најсиромашните и најизмачените.

Владата ја дави нацијата со акцизи

Зад кулисите на „усогласување со европските стандарди“, македонската власт го уништува народот со постојани зголемувања на акцизите. Законот, кој предвидува до 2030 година цените да растат секоја година, претвора милион луѓе во заложници на сопствената зависност. Наместо решенија за сиромаштијата и здравствените проблеми, добиваме нови товарни сметки.

Денес е 10 денари, утре ќе биде 20. Секој јануари – нов удар. Животот во Македонија веќе одамна не е живот, туку борба за преживување.

Народот умира, државата молчи

Секојдневно умираат луѓе – 4.000 животи годишно се гаснат од последиците на пушењето, според Светската здравствена организација. Наместо превенција и грижа, државата единствено знае да ја полни касата од мизеријата на народот. Во свет каде што бројот на пушачи постојано опаѓа и во 2025 се проценува на само 15,4 отсто, Македонија останува заробена со речиси 45 проценти пушачи. Тоа е речиси двојно повеќе од светскиот просек – доказ дека сме оставени сами на себе, без никаква визија за иднината.

Земја без надеж

Секој ден во Македонија носи нови поскапувања. Струја, гориво, храна, сега и цигари. Платите стојат, а трошоците растат како никогаш досега. Нема перспектива, нема надеж, нема спас.

Ова повеќе не е држава, ова е стапица. Македонија не живее – Македонија полека умира. И со секоја нова цена, со секоја нова акциза, тој крај изгледа сè поблизок и сè поболен.