16 ноември 2025
• од Станча Јаќимовски
Жител на Неготино се соочува со обвинение за ширење расистички и ксенофобичен материјал, откако на социјалните мрежи објавувал содржини со кои повикувал припадниците на ромската заедница да бидат лишени од правото на глас. Основното јавно обвинителство Кавадарци информира дека обвинението следело по спроведена претходна постапка и обезбедени докази.
Според обвинителството, 67-годишниот обвинет на 20 октомври на свој профил и на страница на една социјална мрежа споделувал видеоснимка со навредлива и дискриминаторска содржина. Во видеото биле употребени повеќе омаловажувачки изрази насочени кон лицата од ромска националност, а преку содржината се поттикнувала омраза и се повикувало тие да бидат спречени да гласаат на избори.
Против осомничениот е поднесен обвинителен предлог за кривичното дело „Ширење расистички и ксенофобичен материјал по пат на компјутерски систем“, казниво по член 394-г став 1 од Кривичниот законик.
Обвинителството нагласува дека ваквите постапки претставуваат сериозен напад врз основните човекови права и слободи, како и врз принципите на еднаквост и недискриминација, кои се заштитени со закон.
Ненадминливи Понуди Дневно
4.8 (10276 рецензии)
Заштедете 152.00 ден

