Над 16 илјади корисници не плаќаат вода во Тетово, илјадници диви приклучоци

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Над 16 илјади корисници не плаќаат вода во Тетово, илјадници диви приклучоци

31 март 2026

• од Станча Јаќимовски

И покрај тоа што во Тетово количината на вода за пиење достигнува над 400 литри во секунда, овој ресурс сè уште не стигнува рамномерно до сите домаќинства. Главните причини за ваквата состојба се големите загуби во застарената водоводна мрежа и високото ниво на нелегални приклучоци, информираат од Јавното комунално претпријатие „Шарри“, пренесе ТВ21.

Од претпријатието посочуваат дека значителен дел од водата се губи пред воопшто да стигне до потрошувачите, што директно влијае врз недостигот во одредени делови од градот. Дополнително, сериозен проблем претставуваат и илјадниците корисници кои користат вода без да бидат регистрирани и без да плаќаат.

Директорот на ЈКП „Шарри“, Валон Зеќири, вели дека бројот на регистрирани корисници постепено се зголемува, но сè уште постои огромен јаз меѓу реалните и фактурираните потрошувачи.

„Кога ја презедов функцијата имаше околу 21 илјада регистрирани корисници, а сега имаме 24 илјади. Тоа се три илјади нови регистрации, и секојдневно работиме на терен за да регистрираме нови. Сепак, проценките се дека околу 16 до 18 илјади корисници не плаќаат вода. Само со минималната такса од 100 денари од тие корисници, би можеле да се покријат платите на сите вработени“, изјави Зеќири.

Според споредбите со електродистрибутивниот оператор, во Тетово има над 40 илјади корисници на електрична енергија, што дополнително укажува на голем број домаќинства кои не се опфатени во системот за наплата на вода.

Од друга страна, граѓаните велат дека вода генерално има, но проблемот го гледаат во нерамномерната распределба и нефункционалното управување со системот. Тие бараат фер наплата и еднаков третман за сите корисници.

Податоците од студија за изводливост покажуваат дека околу 35% од водата се губи поради дотраената инфраструктура, додека уште 35% се троши без да се фактурира – најчесто поради нелегални приклучоци. Ова значи дека значителен дел од водните ресурси останува надвор од контрола на системот.

Надлежните најавуваат засилени контроли на терен, легализација на приклучоците и инвестиции во модернизација на водоводната мрежа, со цел намалување на загубите и обезбедување стабилно водоснабдување за сите жители на Тетово.