Најчевска: Враќањето и апсењето на Груби е дил меѓу ДУИ и ВМРО-ДПМНЕ

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Најчевска: Враќањето и апсењето на Груби е дил меѓу ДУИ и ВМРО-ДПМНЕ

23 февруари 2026

• од Станча Јаќимовски

Универзитетската професорка и аналитичарка Мирјана Најчевска оценува дека враќањето и апсењето на Артан Груби не е изолиран настан, туку дел од поширок политички договор меѓу ДУИ и ВМРО-ДПМНЕ.

Во изјава за Рацин.мк, Најчевска посочува дека моментот во кој се случува враќањето и апсењето е индикативен и отвора повеќе прашања отколку што дава одговори.

„Според мене има неколку моменти кои треба да се имаат предвид кога се анализира враќањето/апсењето на Артан Груби во дадениот момент. Несомнено е дека има некој дил меѓу ДУИ и ДПМНЕ, каков и за што сигурно набрзо ќе видиме“, изјави Најчевска.

Обид за дефокусирање на јавноста

Како една од можните причини за актуелниот развој на настаните, Најчевска наведува дека случајот може да служи за оттргнување на вниманието од, како што вели, низа спорни потези на власта и индикатори за неспособност или можна вмешаност во криминални активности.

Меѓу нив ги вбројува:

продолжувањето на легализацијата на нелегално изградени објекти;
обидот за купување владин авион;
поминувањето на тони марихуана преку граница;
недомаќинското трошење средства за патувања на владината администрација;
најавите за рушење на печатницата на „Нова Македонија“;
најавите за нова малверзација со проектот „Скопје на вода“;
именувањето несоодветна личност за почесен конзул во Србија;
договорот за царинење на македонски стоки со САД;
иницијативата за, како што вели, противуставно одземање на автономијата на универзитетите.

Според Најчевска, ваквиот контекст укажува дека случајот со Груби може да има улога на политички маневар во период на засилени критики кон власта.

Измени на Кривичниот законик и ризик од застарување

Како втора клучна причина, Најчевска ги посочува измените на Кривичниот законик, кои, според неа, овозможуваат застарување на делата сторени од носители на јавни функции.

„По принципот – секое чудо за три дена, властите ќе пробаат секој ден да продуцираат нова афера која нема да има ниту судска разрешница, а уште помалку разрешница во корист на граѓаните“, наведува таа.

Најчевска предупредува дека ваквата практика може да доведе до ерозија на довербата во институциите и дополнително да го релативизира принципот на одговорност во јавната сфера.

Случајот со враќањето и апсењето на Артан Груби, според нејзината анализа, треба да се разгледува не само како поединечен правен процес, туку како дел од поширока политичка динамика и можни меѓупартиски договори.