МВР: Средба на министерот Панче Тошковски со премерот на Србија Милош Вучевиќ - 26 ЈУЛИ 2024
Србија и Македонија продолжуваат со дипломатската соработка: Министертот Тошковски се сретна со премиерот Вучевиќ
27.07.2024 - Министертот за внатрешни работи на Република Македонија, Панче Тошковски, денеска оствари работна средба со премиерот на Република Србија, Милош Вучевиќ, во рамките на својата посета на соседната држава.
На средбата, Тошковски изрази благодарност за српското гостопримство, истакнувајќи ја важноста на соседството и поддршката што Србија неколкупати ја понудила во клучни моменти, особено кога беше испратен српски хеликоптер за помош при гаснењето на недавните пожари.
„Соработката помеѓу Македонија и Србија е на одлично ниво и има потенцијал за продлабочување во иднина“, рече Тошковски.
Премиерот Вучевиќ од својот дел упати честитки за составот на новата Влада на Македонија, нагласувајќи дека овие средби играат клучна улога во негувањето на добрите односи. Тој дополнително истакна дека Србија нема ниту едно отворено прашање со Македонија и дека ќе продолжи да ја поддржува земјата на сите полиња, со посебен акцент на евроинтегративниот пат.
Вучевиќ го поздрави номинирањето на министер од српската заедница во македонската влада, оценувајќи го како значаен чекор во односите помеѓу двете држави.
Оваа средба уште еднаш ја потврдува посветеноста на Македонија и Србија во продлабочување на соработката и сигурните односи во регионалната политика.