Мисајловски: Подготвени сме да ја поддржуваме Украина

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Мисајловски: Подготвени сме да ја поддржуваме Украина

16 октомври 2025

• од Станча Јаќимовски

Министерот за одбрана Владо Мисајловски изјави од Брисел дека Северна Македонија останува подготвена да ја поддржува Украина, но притоа нагласи дека помошта мора да биде внимателно планирана и надоместена со нови ресурси за Армијата.

„Како држава сме подготвени да продолжиме со поддршката за Украина, но не може само постојано да се дава, без даденото да биде заменето. Најважна од сè е нашата татковина,“ изјави Мисајловски за МИА за време на состанокот на министрите за одбрана на земјите членки на НАТО.

Поддршка со внимание и замена на ресурсите

Мисајловски потсети дека Македонија и во минатото има дадено неколку пакети помош за Украина, но дека секоја одлука мора да се носи внимателно.
„Она што е дадено како ресурси од наша страна мора да биде заменето. Јас сум министер на Македонија и морам да се грижам за македонската војска и народ,“ истакна тој.

Во рамки на НАТО, според него, повторно се засилува прашањето за поддршка на Украина, бидејќи земјата има сериозни потреби од дополнителни ресурси. Мисајловски додаде дека постојат иницијативи за набавка на опрема преку САД, како и други форми на финансиска помош и грантови.

Иницијативи и можности за финансирање

Министерот нагласи дека земјава во моментов работи на неколку иницијативи со различни држави, насочени кон добивање дополнителни средства за модернизација на Армијата.
„Се надевам дека во наредниот период ќе направиме добри чекори за да добиеме средства со кои ќе ја подобриме состојбата во државата, па потоа можеме да разговараме и за дополнителна поддршка за Украина,“ изјави Мисајловски, додавајќи дека помошта не треба да биде „по секоја цена“.

Како една од можните опции, тој го спомена инструментот на Европската Унија – Безбедносна акција за Европа (САФЕ) – преку кој земјите можат да аплицираат за заедничка набавка на опрема.

Зголемување на буџетот и модернизација на Армијата

Мисајловски најави дека буџетот за одбраната ќе продолжи да расте и во следната година.
„Најважно е да ги имате средствата во сопствениот буџет за да купувате опрема. Секоја година го зголемуваме буџетот и за следната година проектираме повисок,“ изјави тој.

Над 40 проценти од буџетот на Министерството за одбрана ќе бидат насочени кон модернизација и набавка на нова опрема, што според него претставува „висока рамка за модернизација за која било членка на НАТО“.

НАТО цели и регионални безбедносни прашања

На состанокот во Брисел било разговарано и за обврските на земјите членки да го достигнат целното издвојување од 2 отсто од БДП за одбраната, како и за глобалните безбедносни ризици.
Мисајловски ги информирал колегите за напредокот на Македонија и ги спомнал нашите учества во мисиите КФОР во Косово и АЛТЕА во Босна и Херцеговина.

„Приоритет мора да биде нашата Армија,“ заклучи министерот.