Матоши: 100 илјади Албанци би гласале за СДСМ доколку Стево Пендаровски стане нејзин лидер

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Матоши: 100 илјади Албанци би гласале за СДСМ доколку Стево Пендаровски стане нејзин лидер

13 декември 2025

• од Станча Јаќимовски

Поранешниот пратеник на Демократската партија на Албанците и ветеран на ОНА, Ружди Матоши, смета дека Социјалдемократскиот сојуз на Македонија (СДСМ) би можел значително да го зголеми бројот на гласови од албанскиот електорат доколку на чело на партијата застане лидер како Стево Пендаровски.

Според Матоши, во такво сценарио СДСМ би можел да привлече дури 100 илјади гласачи Албанци, кои би застанале на страната на поранешниот претседател. Тој потсетува дека ваков тренд веќе се случил во минатото, кога значаен дел од албанскиот електорат се префрлил кон СДСМ.

„Еднаш веќе ни се ‘лизна’ електоратот кон СДСМ. Околу 60 илјади гласачи заминаа таму. Тие не отидоа без причина, туку поради разочарување. Ако СДСМ донесе космополитски лидер, на пример Пендаровски, уште 100 илјади можат да заминат таму. Тие заминуваат поради нашата вина“, изјави Матоши.

Оваа изјава тој ја даде во подкастот „Риштази“ на весникот „Коха“, каде што говореше за состојбите во албанскиот политички блок и за причините поради кои дел од гласачите ја губат довербата во албанските партии.

Матоши со своите ставови индиректно упатува критика кон актуелните албански политички субјекти, нагласувајќи дека недостигот од визија, квалитетно лидерство и реална застапеност на интересите на граѓаните може да доведе до понатамошно прелевање на гласови кон македонските партии.