Македонија без излез: Инфлацијата ќе нè јаде уште долго, „магично стапче“ нема

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Македонија без излез: Инфлацијата ќе нè јаде уште долго, „магично стапче“ нема

28 август 2025

• од Станча Јаќимовски

Македонските граѓани немаат причина за надеж – инфлацијата нема да исчезне скоро, ниту пак Владата има решение кое може да донесе олеснување во секојдневниот живот. Министерката за финансии, Гордана Димитриеска – Кочоска, вчера призна дека „нема магично стапче“ со кое ќе се реши овој голем економски удар, оставајќи ги луѓето во уште подлабока неизвесност и страв за иднината.

Иако платите формално растат, реалноста е сосема поинаква – цените на храната и основните потреби дивеат, а граѓаните чувствуваат дека секој ден живеат сè полошо. Според податоците, најголемиот раст на цените е кај овошјето и зеленчукот – токму производите без кои не може да се замисли исхраната на едно семејство. Сушата, раниот мраз и неорганизираното земјоделство создадоа хаос на пазарите. Македонија повторно покажа дека е неспособна да го заштити сопственото производство, оставајќи ги луѓето на милост и немилост на трговците и увозот.

Владата признава дека може само краткорочно да замрзнува цени и маржи, но тоа е уште една козметичка мерка без реален ефект. Додека соседните земји вложуваат во модерни системи за заштита на земјоделството, Македонија и понатаму тапка во место, без јасна стратегија. Резултатот е јасен – празни џебови, празни трпези и растечко очајување.

Иако се зборува за некакви „идни мерки“, вистината е дека граѓаните ќе мораат сами да се снаоѓаат. Намалување на ДДВ за основни производи сè уште е само на ниво на анализа, а минималната плата останува предмет на бесконечни преговори меѓу синдикатите и работодавачите. Државата, очигледно, се дистанцира од проблемот и чека другите да донесат одлуки, додека народот секој ден брои денари за парче леб.

Најстрашното е сознанието дека оваа криза нема брзо решение. Самата министерка признава дека долгорочните промени бараат време, инвестиции и реформи – нешто што Македонија одамна покажа дека не е во состојба да го обезбеди. Додека се чекаат „стратегии и студии“, инфлацијата ќе продолжи да ја јаде државата одвнатре, а граѓаните ќе останат заложници на сиромаштија и безизлез.