Македонците имаат најмали пениси на Балканот
Научници од Германија спровеле обемна анализа на повеќе од 40 современи студии, кои вклучуваат илјадници испитаници од речиси 90 различни земји, со цел да ја утврдат просечната големина на машкиот полов орган на глобално ниво. Истражувањето е пренесено од британскиот весник „Дејли мејл“.
Она што е особено важно во оваа анализа е методологијата – истражувачите избегнувале студии во кои мажите сами ја пријавувале големината, туку се фокусирале на податоци добиени преку медицински и научно верификувани мерења.
Според резултатите, најголемите просечни должини се забележани главно во африкански земји, додека неколку држави од Јужна и Северна Америка, како и Европа, се најдоа во врвот на листата. Единствената земја од Азија и Евроазија која се најде во топ 20 е Грузија.
Во Европа, најдобро рангирани се Холандија (9-то место) со просечна должина од 15,84 см, Франција (11-то место) со 15,74 см и Италија (19-то место) со 15,24 см.
Кога станува збор за Балканот, Србија се најде на 33-то место со просек од 14,75 см, Хрватска на 35-то, Албанија на 47-то, додека Македонија го зазема 50-то место на листата, што ја позиционира како земја со најмала просечна големина на пенисот на Балканот според ова истражување.
Иако ваквите истражувања често се предмет на шеги и таблоидни наслови, научниците нагласуваат дека големината не треба да се гледа како мерило за машкоста или сексуалната компетентност, туку како дел од пошироката физиолошка варијација меѓу популациите.