Левица: Мицкоски ја пречекори секоја граница на човечноста со навредите кон родителите од Кочани

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Левица: Мицкоски ја пречекори секоја граница на човечноста со навредите кон родителите од Кочани

18 јули 2025

• од Станча Јаќимовски

Левица со најостра осуда реагира на срамното и недолично однесување на премиерот Христијан Мицкоски за време на неговата средба со родителите на трагично загинатите деца во трагедијата во Кочани. По повеќемесечно бегство од одговорност и избегнување да се соочи со семејствата на жртвите, премиерот конечно ја посети Кочани – но, наместо со сочувство и одговорност, настапи со ароганција, навредливост и целосно недостоен однос.

Наместо да ја препознае тежината на трагедијата и институционалниот карактер на одговорноста, Мицкоски се обиде да ја политизира болката на родителите и семејствата. Врв на неговото срамно однесување беше изјавата со која ги повикува родителите „да си одредат цена“ за загубата на своите деца – изјава што не само што ја демонстрира неговата неемпатија, туку открива и длабоко морално растројство во начинот на кој власта гледа на човечката трагедија.

Оваа ароганција не е изолиран случај – туку препознатлив модел на однесување на актуелниот премиер. Станува збор за симптом на подлабок системски проблем: целосно отуѓување на власта од народот и постојано бегство од секаква институционална и морална одговорност.

Левица изразува целосна поддршка за родителите на жртвите – и како парламентарна партија и како луѓе. Ќе продолжиме со сите расположливи средства – и во Собранието и надвор од него – да се бориме за вистинска и неселективна правда, и за целосна одговорност на сите инволвирани во оваа трагедија.

Уште еднаш укажуваме: ова не беше „несреќен случај“, туку убиство извршено од систем кој со децении е корумпиран и нефункционален – систем што секојдневно се надградува и од оваа власт.

Граѓаните не треба да плаќаат за ароганцијата на власта – време е таа конечно да понесе одговорност!

Политичка партија Левица
18.07.2025