Левица: Инфлацијата ја јаде платата, куповната моќ во слободен пад

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Левица: Инфлацијата ја јаде платата, куповната моќ во слободен пад

22 март 2026

• од Вардарски

Во услови на забрзана инфлација и продлабочена структурна нееднаквост, економските показатели сè појасно го отсликуваат реалниот квалитет на живот на граѓаните. Од политичката партија Левица реагираат дека најновите податоци укажуваат на сериозен дисбаланс меѓу растот на трошоците и растот на платите.

Според информациите на Сојузот на синдикати на Македонија, во период од само три месеци трошоците за живот се зголемиле за повеќе од 2.300 денари. Истовремено, најавеното усогласување на минималната плата изнесува 1.667 денари, што, според Левица, е недоволно за да го компензира растот на животните трошоци.

„Јазот меѓу растот на платите и трошоците е резултат на погрешни економски приоритети. Со синдикалната кошничка од 68.000 денари, значителен дел од работниците живеат под прагот на достоинствен живот. Ова ја намалува внатрешната побарувачка, ја зголемува задолженоста на домаќинствата и ја продлабочува сиромаштијата“, наведуваат од партијата.

Од Левица предупредуваат дека ваквите економски политики имаат долгорочни последици, не само врз животниот стандард на граѓаните, туку и врз стабилноста на економијата во целина.

Дополнителен притисок врз буџетите на домаќинствата создава и растот на цените на енергенсите. Во изминатите три месеци, цената на ЕУРОДИЗЕЛ е зголемена за 27,5 денари по литар, што, како што велат, директно влијае врз транспортните трошоци, цените на храната и услугите.

„Во вакви услови, номиналното зголемување на платите кое не ја следи реалната инфлација не значи подобрување, туку реално намалување на куповната моќ и дополнително влошување на животниот стандард“, потенцираат од Левица.

Според нив, суштината на проблемот лежи во системските слабости кои дозволуваат профитите да растат побрзо од платите, додека државата не презема доволно мерки за заштита на трудот.

Како можни решенија, од партијата предлагаат ограничување на маржите во клучните сектори, намалување на стапката на ДДВ за храна, енергенси и основни услуги, намалување на акцизите на горивата, како и воведување ефективна контрола на цените во услови на економска криза.