Лекарската комора со морална осуда за д-р Кузмановски, кој останува без лиценца

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Лекарската комора со морална осуда за д-р Кузмановски, кој останува без лиценца

16 октомври 2025

• од Станча Јаќимовски

Лекарската комора на Македонија (ЛК), преку својата Комисија за етички и правни прашања, донесе јавна морална осуда за случајот поврзан со видеоснимката што се појави на социјалните мрежи, во која е инволвиран д-р Игор Кузмановски, поранешен директор на Универзитетската клиника за неврологија.

Заштита на интегритетот на лекарската професија

Од Комората посочуваат дека одлуката за морална осуда е донесена со цел да се заштити интегритетот и угледот на лекарската професија. Според соопштението, однесувањето прикажано на снимката не е во согласност со високите морално-етички стандарди што се очекуваат од лекарите и ја нарушува довербата на јавноста во здравствените работници.

„Од лекарите се очекува, како во професионалниот, така и во приватниот живот, да негуваат лични квалитети кои одговараат на достоинството на професијата. Секој несоодветен чин не го компромитира само поединецот, туку и неговите колеги,“ стои во ставот на Лекарската комора.

Без етички прекршоци во минатото

Комисијата ја разгледала целата документација добиена од Министерството за здравство и поднесените претставки до Комората, при што е утврдено дека досега немало случаи на етички пропусти во работењето на д-р Кузмановски.

Се чекаат извештаи за целосна слика

Со цел да се добијат сите факти за случајот, Комисијата смета дека е неопходно да има на увид и извештаи од стручните комисии формирани од Министерството за здравство и од Клиниката за неврологија. Дури по добивањето на овие извештаи ќе се донесе конечен заклучок за понатамошното постапување во рамки на етичките норми.

Без активна лиценца

Во моментов, д-р Кузмановски останува без активна лиценца за вршење лекарска дејност. Неговото барање за повторно стекнување со лиценца ќе биде разгледано дополнително, по завршување на постапките и прибирањето на сите потребни информации.