Кузеска алармира: „Врв на неспособност – народот гладува, власта вели дека нема магично стапче“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Кузеска алармира: „Врв на неспособност – народот гладува, власта вели дека нема магично стапче“

28 август 2025

• од Станча Јаќимовски

Македонија тоне во економски мрак, а граѓаните се оставени сами да се борат со растечките цени и намалената куповна моќ. Богданка Кузеска, портпаролка на СДСМ, денеска жестоко ја нападна владата на ВМРО-ДПМНЕ, нарекувајќи ја „врв на неспособност“ и предупредувајќи дека народот буквално едвај преживува.

„Секој ден е борба за опстанок“

Кузеска посочи дека синдикалната минимална кошница за една година е поскапа за речиси 5.000 денари, додека минималната плата пораснала само за 1.800 денари. „Зеленчукот поскапе за 63,3%, овошјето за 33%. Инфлацијата е 4,8% и ги јаде примањата на граѓаните“, предупреди таа.

Со огорчен тон, Кузеска додаде: „Реалната плата во јуни порасна за само 3,8%. За прв пат по долго време имаше пад на просечната плата споредено со претходниот месец. Цените растат, платите мируваат, а куповната моќ на граѓаните паѓа“.

„Нема магично стапче“ – симбол на неспособност

Министерката за финансии Кочовска изјави дека владата „нема магично стапче“ за инфлацијата. Но Кузеска вели дека тоа е ништо друго освен изговор:
„Владата не е таму да се правда и да се луксузира на грбот на народот, туку да преземе мерки. Сите земји во регионот имаа навремени интервенции за цените и инфлацијата. Само Македонија ги остави граѓаните сами на себе. ‘Немаме магично стапче’ е врв на неспособност“.

„Европски цени, мизерни плати“

Кузеска остро предупреди дека македонските плати се само 35% од европските просеци, додека цените достигнуваат 60% од европскиот. „Граѓаните плаќаат речиси европски цени, а живеат со трипати пониски плати“, рече таа, додавајќи дека оваа состојба не е случајна, туку свесно одржувана од власта која работи за бизнис-елитите блиски до ВМРО-ДПМНЕ.

„Борба за достоинствен живот“

На крај, Кузеска најави дека СДСМ ќе продолжи со битката за покачување на минималната плата на 500 евра, укинување на ДДВ за храната и зголемување на платите во сите сектори. „Почетокот на есента е еден од најтешките економски периоди за македонските семејства. Нашата борба е борба за достоинствен живот“, порача таа.