Ким Мехмети: Балканските војни сè уште траат поради недефинираните граници

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Ким Мехмети: Балканските војни сè уште траат поради недефинираните граници

29 јануари 2026

• од Станча Јаќимовски

Писателот и аналитичар Ким Мехмети изјави дека Балканот и денес, суштински, сè уште ги води своите војни, бидејќи државните и територијалните граници никогаш не биле дефинитивно решени. Ова тој го истакна во подкастот „Коридор 8“, говорејќи за хроничната нестабилност и длабокото незадоволство што, според него, ги обединува сите балкански народи.

„Балканските војни во овие простори дури сега се најинтензивни“, вели Мехмети, објаснувајќи дека проблемот не е само историски, туку и актуелен. Според него, на Балканот сè уште не постојат јасно и конечно утврдени државни граници, што создава постојан простор за конфликти, незадоволство и ревизионистички идеи.

Мехмети потсети дека ако се погледне историскиот континуитет, на секои неколку децении на Балканот се случуваат корекции – се раѓаат нови држави, други исчезнуваат, а границите повторно се доведуваат во прашање. „Тоа е затоа што ништо никогаш не било дефинирано до крај“, нагласи тој.

Во ваков контекст, според Мехмети, нема народ кој може да се нарече победник. „Сите се губитници, сите плачат и сите кукаат дека изгубиле нешто“, рече тој, додавајќи дека на Балканот не постои ниту еден навистина задоволен народ. Секој чувствува дека му недостасува дел од територијата и дека таа му била одземена од некој друг.

Мехмети смета дека токму ова чувство на колективна оштетеност го прави регионот неспособен за оптимизам и јасно проектирање на иднината. „Ако се обидете на сите да им го вратите она што го сметаат за свое, ќе треба да им ја надоместите штетата со цела Европа“, истакна тој.

Заклучокот на Мехмети е дека без конечно и трајно решавање на прашањето на границите, Балканот ќе остане простор на постојана несигурност, каде што мирот и стабилноста ќе бидат повеќе исклучок отколку правило.