Ким Мехмети: Албанците ја прифатија мултиетничноста, Македонците сè уште се борат со неа

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Ким Мехмети: Албанците ја прифатија мултиетничноста, Македонците сè уште се борат со неа

31 јануари 2026

• од Станча Јаќимовски

Македонија нема проблем со Европската Унија, туку со сопственото соочување со реалноста – порача писателот и аналитичар Ким Мехмети во подкастот Коридор 8.

Во разговорот, Мехмети нагласи дека државата по својата суштина е мултиетничка, но дека таа реалност сè уште не е искрено прифатена, ниту институционално, ниту симболички. Според него, дел од општеството настојува Македонија да се прикаже како држава на еден народ, една религија и еден доминантен идентитет, што создава длабоки апсурди и тензии.

„Имаме ситуација во која во мултиетничка држава, на секое брдо се поставува по еден крст, како порака дека просторот, небото и симболите ѝ припаѓаат само на една етничка и верска заедница“, истакна Мехмети. Тој додаде дека не е реткост црква да се гради во рамница, а крстот симболично да се постави на доминантно возвишение, што, според него, претставува јасна порака на исклучување, а не на заедништво.

Мехмети смета дека токму ваквите симболички политики ја отсликуваат внатрешната конфузија на државата и нејзината неспособност да изгради автентичен соживот. „Тоа се апсурдите со кои се соочува оваа држава“, нагласи тој.

Осврнувајќи се на евроинтегративниот процес, Мехмети оцени дека прашањето дали Македонија ќе ги започне преговорите со Европската Унија е погрешно поставено. Наместо тоа, како што рече, клучното прашање е кога Македонија ќе ги започне разговорите самата со себе.

„Европа не се освојува со декларации и симболи, туку со внатрешна зрелост. Додека не се договориме кои сме и како живееме заедно, сите други разговори ќе бидат формални“, истакна тој.

Според Мехмети, вистинскиот напредок на државата ќе започне дури кога ќе се прифати мултиетничноста не како проблем, туку како трајна реалност и потенцијал за стабилност и развој.