Како на филм: Потера на автопатот, приведени Косовци кои превезувале кинески мигранти

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Како на филм: Потера на автопатот, приведени Косовци кои превезувале кинески мигранти

01 август 2025

• од Станча Јаќимовски

Драматична полициска акција се одвивала во ноќните часови на 31 јули 2025 година, кога двајца косовски државјани се обиделе да избегнат полициска контрола додека превезувале осум мигранти од Кина. Потерата која започнала на автопатот од Градско кон Скопје завршила со сообраќајки, уништена инфраструктура и напад врз полициски службеник.

Според информациите од Министерството за внатрешни работи, околу 22:30 часот биле приведени Г.Л. (24) и Б.Л. (18), двајцата од Косово. Тие во возило марка „Фолксваген Кеди“ со косовски таблички пренесувале осум мигранти од Народна Република Кина. Возилото било забележано околу 21:40 часот на автопатот Градско – Скопје, но не застанало на знак за запирање, по што започнала потерата.

Во обид да побегнат, осомничените предизвикале значителна материјална штета. Возилото ја оштетило наплатната станица Градско, потоа удрило во „Опел Инсигниа“ со странски таблички и оштетило мотоцикл со македонски регистарски ознаки. Следниот удар бил кај наплатната станица Петровец, каде што ја урнале и рампата.

Преследувањето завршило кај клучката Приштина на скопската обиколница, каде возачот изгубил контрола врз возилото и излетал од патот. Во обид да побегне, физички нападнал полицаец, но бил совладан и приведен. За време на потерата, полицијата била принудена да испука предупредувачки истрели – за среќа, без повредени.

Приведените се задржани во полициска станица, а мигрантите се префрлени во транзитен центар. Против осомничените ќе бидат поднесени соодветни кривични пријави. Министерството најавува и дополнителни активности за целосно расчистување на случајот и спречување на вакви обиди за илегален транспорт на мигранти.