Ивановски: Пробиен последниот тунел на делницата Бељаковце – Крива Паланка, следуваат месеци на засилена изградба

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Ивановски: Пробиен последниот тунел на делницата Бељаковце – Крива Паланка, следуваат месеци на засилена изградба

16 февруари 2026

• од Станча Јаќимовски

Директорот на ЈП „Железници инфраструктура“, Синиша Ивановски, информираше дека утринава е пробиен и последниот тунел од вкупно 15-те предвидени во рамки на втората делница од железничката пруга кон Бугарија, на потегот Бељаковце – Крива Паланка. Информацијата ја објави на својот фејсбук-профил, а истата ја потврдија и од Министерството за транспорт.

„Бележиме прогрес. Изутринава го пробивме и последниот тунел од вкупно 15-те од вториот дел од градбата на пругата кон Бугарија (Бељаковце – Крива Паланка). Пробивањето на тунелите се смета за една од поспецифичните градежни активности. На овој проект оваа позиција е веќе завршена“, напиша Ивановски.

Тој посочи дека, иако моменталниот прогрес од страна на изведувачот не е целосно според очекувањата, сепак најсложените и технички најпредизвикувачки сегменти од проектот постепено се надминуваат. Според него, во наредните месеци се очекува засилена оперативна динамика и повидлив напредок на терен.

„Очекувам месеци на посериозна оперативна активност и видлив прогрес“, наведува Ивановски во објавата.

Изградбата на железничката делница Бељаковце – Крива Паланка е дел од поширокиот проект за поврзување со Бугарија во рамки на Коридорот 8. Ивановски потенцира дека овој коридор има стратешко значење за Македонија и за НАТО, бидејќи овозможува инфраструктурно поврзување меѓу Јадранското и Црното Море.

Проектот претставува еден од клучните инфраструктурни зафати во државата, со кој се очекува подобрување на регионалната поврзаност, економската размена и транспортната ефикасност.