Инцидент во автобус број 61: ЈСП тврди дека патникот сам се повредил

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Инцидент во автобус број 61: ЈСП тврди дека патникот сам се повредил

11 јануари 2026

• од Станча Јаќимовски

ЈСП со демант за инцидентот во Бањани – сведоци тврдат дека немало ќотек

Инцидентот што се случи во скопската населба Бањани ја вознемири јавноста откако во полицискиот билтен беше наведено дека возач на автобус му нанел тешки телесни повреди на 79-годишен патник. Сепак, од Јавното сообраќајно претпријатие Скопје излегоа со официјален демант, тврдејќи дека станува збор за вербална расправија, а не за физички напад.

ЈСП: Расправијата била само вербална

Од ЈСП Скопје информираат дека по спроведените внатрешни проверки и разговори со возачот и очевидци, не е утврдено физичко насилство.

„По исказите кои службите на ЈСП Скопје ги добија од возачот и двајцата сведоци присутни на настанот, не станува збор за физичка пресметка, туку за вербална расправија. При симнување од автобусот, патникот се здобил со повреди, но не од страна на возачот“, се наведува во соопштението на претпријатието.

Полициска пријава со поинакви наводи

Наспроти тврдењата на ЈСП, од СВР Скопје информираа дека вчера (09.01.2026) околу 08:30 часот било пријавено насилство. Според полициската пријава, М.В. (79) од Бањани бил физички нападнат од Г.Г., возач на автобус на линијата број 61. Во првичните информации објавени во медиумите беше наведено дека старецот се здобил со тешки телесни повреди по расправија која настанала откако се симнал од автобусот.

ЈСП најавува соработка со истрагата

Од ЈСП апелираат јавноста да не избрзува со заклучоци додека трае истрагата и истовремено потенцираат дека ќе постапат согласно закон доколку се утврди одговорност.

„ЈСП Скопје се оградува од какво било непрофесионално или насилно однесување и доколку се утврди одговорност на вработен, ќе бидат преземени соодветни мерки“, соопштуваат од претпријатието.

Надлежните институции продолжуваат со утврдување на фактите, а клучно ќе биде да се разјасни дали повредите на 79-годишниот скопјанец настанале како последица на пад или како резултат на физички удар.