Хоџиќ: Не губиме ништо ако ги внесеме Бугарите во Уставот

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Хоџиќ: Не губиме ништо ако ги внесеме Бугарите во Уставот

12 ноември 2025

• од Станча Јаќимовски

Во гостување во подкастот на „Коридор 8“, политичарот Хоџиќ изјави дека Република Северна Македонија нема што да изгуби доколку Бугарите бидат вклучени во преамбулата на Уставот. Според него, тоа би било чекор напред кон поголема интеграција и еднаквост на сите граѓани во државата.

Хоџиќ нагласи дека, покрај Бугарите, во преамбулата треба да бидат спомнати и Хрватите, Торбешите и Египќаните, како и други заедници кои досега не се набројани.
„Секогаш кога се отвора Уставот, треба да се прошири и со народите кои не се вклучени во него“, рече тој, додавајќи дека релевантните агенции постојано препорачуваат ваков пристап.

Политичарот се потсети и на искуството од 2001/2002 година, кога по конфликтот и со донесувањето на Охридскиот рамковен договор, беше направена измена на Уставот со вклучување на бошњачкиот народ во преамбулата.
„Тоа беше главна политика на нашата партија тогаш, иако јас бев многу млад. Уметнувањето на Бошњаците во преамбулата многу придонесе за нивна интеграција, како и за интеграцијата на сите народи што се спомнуваат по Албанците – Власите, Ромите, Турците и Србите“, изјави Хоџиќ.

Тој додаде дека Република Северна Македонија не губи ништо со проширувањето на преамбулата, бидејќи, како што рече, „начелото останува исто – сите граѓани треба да имаат еднакви права“.