Грчкото МНР со реакција до Мицкоски: Нема „враќање на името“, уставното име е Северна Македонија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Грчкото МНР со реакција до Мицкоски: Нема „враќање на името“, уставното име е Северна Македонија

18 декември 2025

• од Станча Јаќимовски

Грчкото Министерство за надворешни работи остро реагираше на изјавите на премиерот на Северна Македонија, Христијан Мицкоски, во кои тој тврди дека Владата „го вратила името“, оценувајќи дека секој обид за фалсификување или менување на содржината на Преспанскиот договор е неприфатлив.

Во соопштението од грчкото МНР се наведува дека меѓународните договори не дозволуваат де факто толкувања и дека нивната примена е униформна и универзална. Според Атина, напредокот во билатералните односи меѓу двете земји, како и непреченото продолжување на европскиот пат на Северна Македонија, бараат строго придржување кон преземените обврски и почитување на принципите на добрососедство.

„Уставното име на соседната држава е Северна Македонија, а Преспанскиот договор е дел од нејзиниот устав и е апсолутно обврзувачки за двете страни, како на меѓународно, така и на домашно ниво“, се наведува во реакцијата на ресорот со кој раководи министерот Јоргос Герапетритис.

Од грчкото МНР дополнуваат дека Преспанскиот договор претставува составен дел од меѓународното право и дека неговото почитување е темел за мирен соживот меѓу народите и државите.

Реакцијата од Атина следува по изјавата на премиерот Мицкоски дадена во понеделникот во гостување на телевизијата Сител, каде што тој, коментирајќи ги критиките од СДСМ, изјави дека Владата го вратила името, иако претходно ветуваше поништување на Преспанскиот договор.

„Ги гледам, аха, не можело на Мицкоски да му се верува, тој рече дека ќе го врати името, ќе го поништи договорот. Па, еве – го вративме. Па, дури и Венко, кому му беше устата полна со ‘северна’, сега користи Македонија“, изјави Мицкоски.

Тој продолжи со критики кон СДСМ, обвинувајќи ја партијата дека потпишала, како што рече, „капитулантски договори“, но дека денес нејзините претставници најчесто го користат името Македонија без додавката „Северна“.

„Ниту еднаш не кажале северна. Така што, еве – го вративме“, рече премиерот.

Изјавите на Мицкоски предизвикаа реакции во јавноста и во меѓународните кругови, при што Атина јасно порача дека нема да прифати какво било релативизирање или прекршување на Преспанскиот договор.