Град Скопје до Мицкоски: Политички прогон сакаш да правиш, несреќо

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Град Скопје до Мицкоски: Политички прогон сакаш да правиш, несреќо

21 октомври 2025

• од Станча Јаќимовски

Град Скопје жестоко реагираше откако Владата побара од МВР да спроведе проверки во Градот и во јавното претпријатие „Комунална хигиена – Скопје“ поради натрупаниот отпад низ улиците на главниот град.

Во реакцијата, објавена преку официјалните канали на Градот, се упатуваат остри критики кон лидерот на ВМРО-ДПМНЕ, Христијан Мицкоски, со обвинување дека се однесува како „семоќен“ и дека се обидува да спроведе политички прогон.

„Мицковски, несреќо, на кого се закануваш? Те велича Орце Самка Ѓорѓиевски дека си господ и си почнал да веруваш дека си семоќен? Политички прогон сакаш да правиш, несреќо,“ стои во реакцијата на Град Скопје.

Обвинувања кон структурата на ВМРО-ДПМНЕ во Комунална хигиена

Од Градот тврдат дека за отпадот низ Скопје е одговорна токму структурата на ВМРО-ДПМНЕ во „Комунална хигиена – Скопје“, предводена од претседателката на Управниот одбор, Јулијана Спировска, за која нагласуваат дека е „правосилно осуден криминалец за две кривични дела“.

„За ѓубрето низ Скопје се одговорни твоите градоначалници, кои сред избори повикаа граѓаните да фрлаат кабаст отпад, а немаат ни ресурси, ни механизација да го собираат. За тоа се мачат вработените во КХС кои се веќе на крај со силите,“ додаваат од Град Скопје.

Критики и кон Министерството за здравство

Во реакцијата се споменува и Министерството за здравство, кое, според Градот, му должи милионски суми на „Комунална хигиена“. Од таму прашуваат дали Мицкоски ќе влезе „со полиција“ и во Министерството поради тие долгови.

„По корумпирана и по плитка власт од твојава не постоела, ниту ќе постои. Уствари, заборавив — Северна, бидејќи и името дека ќе го вратиш, лажеше, како и за сè друго што лажеш денес,“ се наведува во завршницата на соопштението.

Продолжува отворениот конфликт меѓу Градот и Владата

Оваа реакција претставува уште едно продолжение на вербалната војна меѓу Град Скопје и Владата поради алармантната состојба со отпадот во главниот град. Владата претходно најави вонреден инспекциски надзор во ЈП „Комунална хигиена“ и во институциите на Град Скопје.