Граѓаните против ресторанот на Водно: „Толку од мирот и зеленилото“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Граѓаните против ресторанот на Водно: „Толку од мирот и зеленилото“

26 август 2025

• од Станча Јаќимовски

Новата кула на Водно, која неодамна беше осветлена, предвидува амбициозен план за иднината – ресторан со ротирачка платформа што ќе се врти за 360 степени во рок од еден час. Со тоа, посетителите би добиле уникатен панорамски поглед на Скопје додека уживаат во вечера.

Поделени реакции во јавноста

Идејата за ваков објект предизвика бурни реакции на социјалните мрежи. Дел од јавноста ја гледа како атракција што може да го зголеми туристичкиот потенцијал на главниот град, но голем број граѓани алармираат дека со тоа сериозно би се нарушил природниот амбиент на Водно.

Инфлуенсерката Ина Многуфина саркастично прокоментира:
„Кај нас тоа ќе се врти со часови, ќе се расипе и никогаш повеќе нема да проработи. Но, важно ресторан ќе има.“

Загриженост за автомобилски сообраќај

Дополнителни критики се однесуваат на можноста за отворање на Водно за автомобили, бидејќи жичарата има ограничено работно време, а рестораните вообичаено работат подолго.

„Сигурно никој нема да оди на вечера со жичара, бидејќи таа има пократко работно време од ресторан. Тоа значи отворање пат за коли, свадби, веселби, пијани возачи и паркирање по тревниците… толку од уживањето на врвот“, предупредува Многуфина.

Апел за внимателно преиспитување

Голем дел од јавноста бара властите внимателно да ја преиспитаат идната намена на кулата. Според нив, потребно е да се најде баланс помеѓу развојот на туристичката понуда и зачувувањето на природата и рекреативниот карактер на планината.