05 ноември 2025
• од Станча Јаќимовски
Еден од најистакнатите македонски актери, Гоце Тодоровски, во гостување во подкастот на Лазаров изнесе тешки обвинувања кон поранешниот премиер Зоран Заев. Тодоровски тврди дека токму во времето кога пратениците си ги зголемија платите за 78 проценти, Заев ги укинал националните пензии за уметниците и заслужните граѓани.
„Во времето кога си ги зголемија платите за 78%, тој го укина тој додаток кој го имаш на пензија. Заев штедеше на нас, за да можат тие да земат 78% поголеми плати. Имам толку изиграно и дадено за овој народ…“ – изјави актерот во подкастот.
Зголемувањето на платите на пратениците предизвика бурни реакции во јавноста, особено поради тоа што се случи во период на економска нестабилност и раст на животните трошоци. Тодоровски смета дека токму оваа одлука е показател за оддалеченоста на политичарите од реалните проблеми на граѓаните.
Во разговорот, актерот откри и дека добил орден од претседателот Стево Пендаровски, кој, според неговите зборови, на шега му предложил да ги продаде рубините од одликувањето.
Тодоровски, познат по својата долга и богата актерска кариера, во интервјуто говореше со емоции и горчина за односот на државата кон уметниците и за начинот на кој се вреднува нивниот придонес кон културата и општеството.
Исламски предавач: Срамота е муслиманка да се прегрнува со момче кое носи шајкача
Ненадминливи Понуди Дневно
4.8 (10276 рецензии)
Заштедете 152.00 ден

