Фондација Македонија алармира: уништени стотици бугарски воени гробишта во С. Македонија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Фондација Македонија алармира: уништени стотици бугарски воени гробишта во С. Македонија

31 јануари 2026

• од Станча Јаќимовски

Фондацијата „Македонија“ објави соопштение во кое алармира за состојбата на бугарската војничка гробница во Прилеп. Според фондацијата, гробницата денес изгледа занемарена и напуштена, и под стариот бетон се наоѓаат посмртните останки на 1217 бугарски офицери и војници загинати за време на Првата светска војна.

Во соопштението се наведува дека на ова место не се одржуваат верски обреди, не се положуваат цвеќиња и не се негува споменот на загинатите. Фондацијата истакнува дека станува збор за „братска могила“ која заслужува достоинствено одбележување и грижа, како дел од историската меморија.

Како резултат на повеќегодишно истражување, волонтерите на фондацијата детално документирале 457 бугарски воени гробишта и поединечни офицерски гробови на територијата на денешна Република Северна Македонија. Според нивните наоди, со исклучок на шест локации, сите други гробишта се уништени, сериозно занемарени или целосно избришани.

Во соопштението се потсетува дека од 2009 година Бугарија официјално бара формирање на заедничка воено-историска комисија со Скопје, која би ги евидентирала и обновила овие гробишта и би ги ставила под законска заштита во РСМ. Според фондацијата, ваквото барање досега било одбивано.

Фондацијата „Македонија“ укажува и на, како што наведува, нерамноправниот однос кон различните воени меморијали во земјата. Таа посочува дека во РСМ се одржуваат и заштитуваат српски, француски, британски, германски и други воени гробишта, додека бугарските, според нив, остануваат запоставени или уништени.

На крајот од соопштението, фондацијата упатува јавен апел за обновување на гробницата во Прилеп и за создавање услови таму да се одржуваат комеморации во чест на загинатите. „Поради историската меморија и почитта кон жртвите, оваа братска могила мора да биде обновена“, се наведува, со јасна порака дека фондацијата е решена да работи на ова прашање „на еден или друг начин“.