Филипче: Срамен е молкот на институциите, граѓаните во Трубарево да носат маски и да не излегуваат без потреба

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Филипче: Срамен е молкот на институциите, граѓаните во Трубарево да носат маски и да не излегуваат без потреба

14 септември 2025

• од Станча Јаќимовски

Претседателот на СДСМ, д-р Венко Филипче, преку својот профил на Фејсбук упати остра реакција за начинот на кој институциите се справуваат со пожарот во фабриката за акумулатори во Трубарево и за опасноста по здравјето на жителите.

„Институциите мора да излезат со точни податоци“

„Институциите итно мора да излезат со точни податоци дали и колку е загаден воздухот во и околината на Трубарево. Страшен е молкот и доцнењето во препораките, особено од здравствените власти“, напиша Филипче, критикувајќи ја неактивноста на надлежните.

Тој предупреди дека постојат индикации оти во пожарот се палат литиумски батерии и друг опасен отпад, што може да има сериозни последици по здравјето и животната средина. „Загрижувачки се дел од информациите кои пристигаат дека горат литиумски батерии и друг отпад кој е исклучително опасен“, нагласи тој.

Совети до жителите на Трубарево

Додека се чекаат официјални информации, Филипче им упати конкретни препораки на жителите во погодените подрачја.

„Препорачувам граѓаните во Трубарево и околните населби да носат маски, да не престојуваат на отворено без итна потреба и да земаат антиоксиданси за превенција“, истакна претседателот на СДСМ.

Критики кон властите

Филипче ја осуди реакцијата на институциите, оценувајќи ја како „неодговорна и апсурдна“.

„Апелирам до властите – крајно е неодговорно да се молчи во вакви случаи. Исто така е крајно неодговорно наместо решенија, одговорните да измислуваат приказни за хибридни напади, политички потпалени пожари и слично. Ова е надвор од секој здрав разум“, порача тој.