Филипче со препораки по пожарот во Трубарево: „Граѓаните мора да знаат што дишат и да бидат заштитени“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Филипче со препораки по пожарот во Трубарево: „Граѓаните мора да знаат што дишат и да бидат заштитени“

15 септември 2025

• од Станча Јаќимовски

Сериозната состојба по вчерашниот пожар во Трубарево бара итна и координирана реакција на институциите, порача лидерот на СДСМ, Венко Филипче. Тој предупреди дека одговорноста не завршува со гаснењето на пожарот, туку продолжува со справувањето со последиците кои може да бидат долгорочни и штетни за здравјето на населението.

Медицински прегледи и анализи на животната средина

Филипче побара задолжителни медицински прегледи за сите жители во и околу Трубарево, особено за оние кои биле директно изложени на чадот и токсичните гасови. Дополнително, тој нагласи дека мора итно да се направат лабораториски анализи на воздухот, почвата и водата со посебен акцент на диоксини, тешки метали и HF остатоци. „Тие резултати мора да бидат транспарентно објавени и достапни за јавноста“, порача Филипче.

Според него, државата има должност да обезбеди и психолошка поддршка за жителите, пожарникарите и сите кои биле на лице место, за да не останат сами со траумата.

Поголема заштитна зона и јасен протокол

Филипче смета дека сегашната заштитна зона од 400 метри е недоволна. Тој предложи воспоставување зона од 500 до 2 000 метри во која ќе важи јасен протокол за заштита на населението:

затворање на училишта доколку е потребно,
дистрибуција на маски,
ограничување на движење,
активирање на систем за јавно предупредување преку СМС-пораки и локални медиуми.

„Очекувам и мобилни мерни станици кои ќе мерат загадување во реално време, особено во правецот на ветерот. Потребно е и долгорочно следење на квалитетот на почвата и водата, со препораки дали може да се користат земјоделски производи и дали е неопходна дезинфекција на јавни површини“, додаде тој.

Повик за одговорност и истрага

Лидерот на СДСМ побара и целосна истрага за тоа што се случило, зошто немало контрола и каде затаиле протоколите. „Луѓето очекуваат одговори и решенија, а не конфузни изјави и политички спинови“, напиша Филипче на својот фејсбук-профил.

Тој потсети дека граѓаните имаат основно човеково право да бидат заштитени од државата и да знаат што дишат и што внесуваат во својот организам.