Филипче: Поскапувањето на струјата ќе донесе бран скапи основни намирници

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Филипче: Поскапувањето на струјата ќе донесе бран скапи основни намирници

26 декември 2025

• од Станча Јаќимовски

Лидерот на СДСМ, Венко Филипче, утрово на прес-конференција предупреди дека најавеното покачување на цената на електричната енергија ќе предизвика сериозен бран на поскапувања на сите производи и услуги, вклучувајќи ги и основните прехранбени намирници.

Според Филипче, зголемувањето од три денари по киловат-час е директна последица на, како што рече, потфрлањето на енергетскиот сектор и лошото управување со државните ресурси.

„Овие три денари покачување на струјата ќе повлечат поскапување на сите други продукти. Следи бран на огромни поскапувања на цените на сè, меѓу кои и елементарни намирници како леб, млеко и јајца. Во исто време, нема никаква најава за зголемување на платите“, изјави Филипче.

Тој додаде дека товарот од енергетската криза повторно ќе падне врз граѓаните, кои и онака се соочуваат со зголемени трошоци за живот.

Филипче се осврна и на застојот во европските интеграции на државата, оценувајќи дека причините лежат во корупцијата и отсуството на вистински реформи.

„Сето ова е резултат на корупција и криминал. Нема реформи во правосудството, не се отвораат вратите за европското обвинителство и така се пролонгираат корупцијата и криминалот“, рече тој.

Според лидерот на СДСМ, власта преку, како што ги нарече, „медиумски кујни“, создава вештачки проблеми со Бугарија преку извртување на фактите и спинување, со цел да се прикаже секој европски чекор како предавство.

„Целта е јасна – да нема европско правосудство и европски обвинители, за да продолжи да цвета криминалот и корупцијата“, истакна Филипче.