Експертите предупредуваат: „Поскапувањето на нафтата ќе ги повлече нагоре сите цени“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Експертите предупредуваат: „Поскапувањето на нафтата ќе ги повлече нагоре сите цени“

17 март 2026

• од Станча Јаќимовски

Ситуацијата на пазарот на енергенси станува сè понапната, а најновото зголемување на цените на горивата за речиси 9% отвори сериозни дилеми за понатамошниот економски тек. Експертите алармираат дека Владата не смее да чека, туку мора итно да интервенира со мерки што ќе го ублажат ударот врз граѓаните и бизнисите.

Според универзитетскиот професор Ванчо Узунов, цената на горивата има директно влијание врз целокупната економија.

„Горивата се клучен инпут во многу производи и услуги – од транспорт до производство. Со нивното поскапување автоматски растат цените на речиси сите производи и услуги. Тоа значи дека трошоците ќе растат, а платите нема да го следат тоа темпо“, вели Узунов.

Тој смета дека државата треба веднаш да реагира со намалување на акцизите за горивата и ДДВ-то за увоз на деривати. Доколку овие мерки не дадат резултат, според него, можно е да се разгледа и ограничување на трговските маржи, како и користење на државните резерви на нафта.

„Навремената реакција е клучна за да се избегне хаос на пазарот. Ако се дозволи кризата да се продлабочи, ќе бидат потребни многу построги и поскапи мерки, вклучително и рестриктивни монетарни политики“, предупредува Узунов.

И бизнис-заедницата ја дели загриженоста. Ромео Костадинов од Сојузот на стопански комори посочува дека економијата сè уште не е целосно закрепната од претходните кризи и тешко може да апсорбира нов ценовен шок.

„Во моментов компаниите сè уште успеваат краткорочно да се справат со притисокот. Но, ако цените продолжат да растат, веќе во следните недели може да се очекува поскапување на одредени производи“, истакна Костадинов.

Од аналитички аспект, Благица Петрески од „Finance Think“ нагласува дека развојот на ситуацијата во голема мера ќе зависи од глобалните геополитички услови, особено од тензиите на Блискиот Исток.

„Доколку кризата се стабилизира брзо, ефектите врз инфлацијата кај нас ќе бидат умерени. Но, ако трае подолго, последиците ќе бидат значително поизразени“, вели Петрески.

Таа дополнува дека фискалниот простор на Владата е ограничен и дека нема можност за обемни пакети за поддршка како во минатото.

Со оглед на неизвесноста и чувствителноста на економијата, експертите се согласни во едно – брза и прецизна реакција е неопходна за да се спречи поширок ценовен бран кој би го погодил животниот стандард на граѓаните.