ДУИ: Владата ја уништува европската иднина и го погребува Охридскиот договор

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ДУИ: Владата ја уништува европската иднина и го погребува Охридскиот договор

31 август 2025

• од Станча Јаќимовски

Политичката криза во Македонија добива нова, поопасна димензија. Владата, со своето јавно признание дека „една година не е доволна за уставните измени“, ја разоткри својата вистинска природа – нема политичка волја, нема визија и нема капацитет да ја движи државата кон Европа. Наместо стабилност и интеграција, земјата повторно се враќа во мракот на поделби и неизвесност.

ДУИ жестоко обвини дека оваа власт не само што ја блокира европската перспектива, туку свесно ги урива темелите на Охридскиот рамковен договор – договор кој со мака и крв ја донесе кревката стабилност во земјата. Од укинување на балансерот и маргинализирање на Албанците, до игнорирање на службената употреба на албанскиот јазик и уривање на институциите кои гарантираат јазична еднаквост – сè укажува на свесно уназадување на државата.

Напад врз еднаквоста и стабилноста

ДУИ предупредува дека Владата отвора фронт и против Бадентеровото мнозинство – еден од најсилните уставни столбови кој гарантира мултиетничка рамнотежа. Неговото релативизирање не е ништо друго освен враќање во времињата на исклучување, дискриминација и опасни националистички политики.

„Сведоци сме на ширење на опасни идеи дека мултиетничките држави не функционираат, дека иднината е во етнички чисти држави. Овој отровен пристап се манифестира преку рушење на Охридскиот договор и блокирање на европскиот пат, со што Македонија се изолира и се враќа назад“, алармираат од партијата.

Држава во ќорсокак

Наместо европска иднина, државата тоне во политичка нестабилност, меѓуетничка недоверба и опасна изолација. Македонија е закована во ќорсокак: без уставни измени нема ЕУ, а без почитување на Охридскиот договор нема стабилност.

Граѓаните сè повеќе ја губат надежта – наместо ветената европска иднина, ги очекува мрачно секојдневие, поделби и неизвесност. Владата која требаше да носи надеж, денес е симбол на бесперспективност и национално разочарување.