ДУИ: Бараме оставка и одговорност поради исклучување на Албанците од унапредувањата

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ДУИ: Бараме оставка и одговорност поради исклучување на Албанците од унапредувањата

24 март 2026

• од Станча Јаќимовски

Демократската унија за интеграција (ДУИ) побара итна оставка од директорката на Централниот регистар и политичка одговорност од Владата, откако беа објавени информации дека во институцијата се реализирани 40 унапредувања без ниту еден претставник од албанската заедница.

Од ДУИ нагласуваат дека ваквата состојба претставува сериозно нарушување на принципот на правична застапеност, особено кога, како што велат, Албанците се целосно исклучени од процесите на унапредување во јавна институција.

„Ова не е административен пропуст, туку јасен показател за еднострано одлучување и игнорирање на Албанците како рамноправна заедница во државата“, посочуваат од партијата.

ДУИ бара:

Итна оставка од директорката на Централниот регистар;
Политичка одговорност од премиерот за ваквата состојба;
Оставка од претставниците на ВЛЕН во Владата, поради, како што наведуваат, неуспех да ги заштитат интересите и правичната застапеност на Албанците.

Од партијата предупредуваат дека исклучувањето на Албанците од институциите може да има негативни последици врз довербата во системот и врз меѓуетничките односи во земјата.

Воедно, тие повикаа и на внимателно следење од страна на меѓународната заедница, со цел да се спречат вакви појави и да се заштитат правата на сите заедници.