Денеска се слави Неракотворен образ на Исус Христос: Чудото и преданието за првата икона

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Денеска се слави Неракотворен образ на Исус Христос: Чудото и преданието за првата икона

29 август 2025

• од Станча Јаќимовски

Црковната традиција ја смета Неракотворната икона, позната и како Неракотворен лик на Господ Исус Христос, за прва икона во христијанството. Самото име „неракотворна“ значи „не направена со човечка рака“. Оваа икона е особено почитувана затоа што, според преданието, самиот Христос го оставил својот лик на неа.

Царот Авгар и неговата болест

Во времето на Христос, во градот Едеса на реката Еуфрат живеел царот Авгар. Тој бил сериозно болен и ниту еден лекар не можел да му помогне. Кога слушнал за чудата на Исус – воскресение на мртви, исцелување на болни и истерување демони – царот силно посакал да го види и да биде излекуван од Него.

Испратил писмо преку својот верен слуга Ананиј, кој бил и сликар. Ако Христос не можел лично да дојде, Ананиј имал задача да го наслика Неговиот лик и да ја донесе сликата во Едеса.

Чудото на Неракотворната икона

Исус го примил писмото, но не можел да оди во Едеса. Ананиј се обидувал да го наслика Неговиот лик, но не успевал. Тогаш Христос Самиот го измил лицето со вода, зел крпа и се избришал. На таа крпа чудесно се отпечатил Неговиот свет лик.

Исус му ја предал крпата на Ананиј за да ја однесе на царот Авгар. Штом ја добил, Авгар го целивал ликот и веднаш оздравел. Од благодарност, тој ја поставил светата крпа на градската капија и наредил сите што минуваат таму да се поклонат пред ликот на Христос.

Патот на светата крпа

Со векови крпата со Неракотворниот образ била чувана во Едеса. Во 944 година византискиот император Константин Багренороден (Порфирогенит) ја откупил и ја пренел во Константинопол. Таму била поставена во прочуената црква „Света Софија“, каде што станала предмет на особено почитување.

На 16 август (29 август по нов стил) Црквата го празнува пренесувањето на Неракотворниот образ во Цариград – ден кога верниците се сеќаваат на ова големо чудо и на Божјата милост.

Духовно значење

Неракотворната икона не е само историско сведоштво, туку и симбол на божествената љубов и присуство меѓу луѓето. Таа потсетува дека Христос навистина е живиот Бог кој дојде за да го исцели човекот – телесно и духовно.