07 јануари 2026
• од Станча Јаќимовски
Македонските учебници по историја и македонски јазик не се засновани на историски факти, документи и докази, туку на усни преданија и лични приказни, оцени Георги Црномаров во подкастот „Коридор 8“. Според него, ваквата пракса е единствена појава во Македонија и претставува сериозен проблем за образовниот систем и за разбирањето на историјата.
„Инаку, единствено кај нас во Македонија учебниците се засновани на ‘ми кажа баба ми’. Ниту еден учебник, зборувам и по историја и по македонски јазик, не е заснован на историски факти, докази, писма и документи“, вели Црномаров.
Тој посочува дека не може да се пишуваат учебници по историја врз основа на нешто што, како што нагласува, не постои во архивска и документарна форма. „Не може ние да пишуваме учебници по историја на нешто кое што го нема – ‘ми кажа баба ми’“, додава тој.
Според Црномаров, решението е јасно и едноставно: потребно е да се отворат архивите и да се користат постоечките историски извори. „Си има писма, си има документи, си има сè. Треба тие да се отворат, да се прочитаат и да се напише еден учебник. Не гледам зошто тоа би било проблем“, истакнува тој.
Изјавата на Црномаров отвора поширока дебата за квалитетот и научната заснованост на наставните програми во Македонија, како и за потребата од реформи во образованието што би се темелеле на проверливи историски извори, наместо на митови и усни преданија.
Ненадминливи Понуди Дневно
4.8 (10276 рецензии)
Заштедете 152.00 ден

