Бугарскиот пратеник Георгиев: Нападот врз 80-годишен Бугарин е доказ за растечка омраза во РСМ

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Бугарскиот пратеник Георгиев: Нападот врз 80-годишен Бугарин е доказ за растечка омраза во РСМ

25 ноември 2025

• од Станча Јаќимовски

Бугарскиот пратеник Ангел Георгиев од политичката партија „Преродба“ јавно реагираше на неговиот Фејсбук-профил по, како што наведе, физички напад врз 80-годишен Бугарин во Северна Македонија. Според информациите што ги објави Георгиев, напаѓачот бил 40-годишен маж, а во инцидентот наводно дошло до вербална расправија и оштетување на очилата на постарата личност.

Георгиев го оцени инцидентот како „уште еден пример на агресија и омраза“ кон лицата што се изјаснуваат како Бугари во земјата. Во својата објава тој изрази критика кон одлуката за поддршка на укинувањето на бугарското вето за европскиот интегративен процес на Северна Македонија, нарекувајќи ја таа одлука „предавство“ од страна на дел од бугарските политички партии.

Пратеникот повика на, како што рече, „поцврсти и поодлучни чекори“ од страна на бугарските институции во врска со состојбата на Бугарите во Северна Македонија. Тој оцени дека државата треба „да се разбуди“ и поактивно да реагира на случаите кои официјална Софија ги смета за антибугарска политика или говор.

Објавата на Георгиев предизвика реакции во бугарската јавност, а се очекува институциите на двете земји да ги разгледаат наводите за инцидентот и евентуално да дадат дополнителни информации.

Надлежните органи во Северна Македонија засега немаат официјална изјава за случајот.