Бугарскиот европратеник Ковачев: Арсовска трпи линч затоа што е бугарски државјанин

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Бугарскиот европратеник Ковачев: Арсовска трпи линч затоа што е бугарски државјанин

11 јули 2025

• од Станча Јаќимовски

Андреј Ковачев, изрази сериозна загриженост по повод најновиот инцидент поврзан со градоначалничката на Скопје, Данела Арсовска, која е и бугарски државјанин. Во својата јавна изјава, Ковачев ја опиша ситуацијата како „поредна тревожна атака против бугарски државјанин во Северна Македонија“ и повика на итна реакција од бугарското Министерство за надворешни работи и амбасадата во Скопје.

„Апелирам веднаш да ѝ се обезбеди правна, конзуларна и морална заштита“, истакна Ковачев, додавајќи дека ова е уште еден пример на насилство, тормоз и јавен линч кон бугарски државјани кои се активни во јавниот живот на Северна Македонија, само затоа што отворено ја искажуваат својата бугарска етничка припадност.

Тој потсети дека сличен притисок претходно бил извршен и врз други јавни личности, вклучувајќи ја и поранешната министерка за енергетика Сања Божиновска, пратеници од владејачката ВМРО-ДПМНЕ, како и луѓе од најтесниот круг на сегашниот, поранешниот и претходниот премиер на државата.

„Притисокот е толку силен, што нашите сонародници се принудени да ја кријат или дури да се откажат од својата бугарска припадност“, предупредува Ковачев.

Тој подвлече дека над 216.000 граѓани на Република Северна Македонија доброволно станале бугарски државјани, документирајќи го својот бугарски произход и лично декларирајќи се како етнички Бугари. Бугарската држава, според него, има обврска да ги заштити нивните права, безбедност и човечко достоинство.

Инцидентот со Арсовска, според Ковачев, само го засилува впечатокот за систематски проблем со почитувањето на правата на луѓето кои се идентификуваат како Бугари во Северна Македонија.