Бугарската активистка В'лкова од Никодим: На Ножот се бранеше честа на еден народ

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Бугарската активистка В'лкова од Никодим: На Ножот се бранеше честа на еден народ

12 јули 2025

• од Станча Јаќимовски

Со свеќи, патриотски песни и емотивни говори, денес во близина на селото Ракле се одржа комеморација по повод годишнината од историската битка на Ножот. Меѓу присутните беше и бугарската аналитичарка и активистка Малинка В'лкова, која пристигна од Никодим за да им оддаде почит на 67-те четници што загинале во 1907 година борејќи се за слобода.

„На Ножот не се водеше само битка против османлиите. Таму се бранеше честа на еден народ, се бранеше правото на иднина без ропство,“ изјави В'лкова пред собраните граѓани и потомци на загинатите.

Според неа, оваа битка е повеќе од историски факт – таа е симбол на отпорот, на жртвата и на заедничката борба на Бугарите и Македонците. „Овие херои ја испеаја слободата со последниот здив. Тие не се дел од минатото – тие се наш завет,“ рече таа.

В'лкова предупреди дека историската вистина и денес е под напад – овојпат преку политички и медиумски конструкции. „Не се бориме само со заборавот, туку и со оние што сакаат да не’ разделат. Србија и Грција со децении вложуваат во пропаганда која има една цел – да ја оттргне Македонија од нејзиното бугарско корениште. Но вистината не се брише,“ додаде таа.

Во својот говор, таа се повика и на зборовите на монасите од Бигорскиот манастир, кои во 2017 година изјавија дека Бугарите и Македонците потекнуваат од иста духовна и културна лулка – мисијата на Свети Кирил и Методиј и покрстувањето од страна на цар Борис.

Настанот во Прилепско помина во мирна и достоинствена атмосфера, со присуство на локални граѓани, активисти и претставници на културни здруженија. Присутните запалија свеќи, положија цвеќе и ја испеаја бугарската химна.

„Да живее споменот на Ножот. Да живее братството меѓу Бугарите и Македонците. Да живее слободата,“ заврши В'лкова пред да се повлече во тишина, со поглед кон карпите што ги паметат јунаците.