Бубашваби на мени секој ден за учениците во интернатот „Здравко Цветковски“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Бубашваби на мени секој ден за учениците во интернатот „Здравко Цветковски“

28 ноември 2025

• од Станча Јаќимовски

Во средношколскиот интернат „Здравко Цветковски“, лоциран во главниот град, учениците секојдневно се соочуваат со шокантен проблем – во храната што им се сервира се појавуваат бубашваби, објави медиумот A1ON.

Според сведоштвата на учениците, инсектите на менито не се изолиран инцидент, туку редовна пракса што трае повеќе од една година. Бубашваби се пронаоѓани и во појадокот, и во ручекот, и во вечерата – „некогаш во јадењето, некогаш во пецивото“, велат тие.

Агенција за храна и ветеринарство е известувана за проблемот повеќе пати. До институцијата се доставувани и фотографии како доказ, по што инспектори биле испраќани во интернатот. Сепак, и покрај пријавите и контролите, учениците тврдат дека ситуацијата останала иста, без конкретни мерки и подобрување.

Дополнителен проблем е што бубашваби биле најдени дури и испечени во пецивата што интернатот ги набавува од позната скопска пекарница, а дел од случаите се документирани со фотографии, кои циркулираат и на социјалните мрежи.

Родителите и учениците прашуваат – „Како е можно инспекции да доаѓаат, а проблемот да останува?“ Тие апелираат за итна реакција, подобрување на санитарните услови и одговорност од надлежните.

Од Интернатот „Здравко Цветковски“ засега нема јавно официјално соопштение околу овие тврдења, но притисокот во јавноста расте, а прашањето за квалитетот и безбедноста на храната во ученичките установи повторно се наметнува како сериозен системски проблем.

Прочитајте повеќе на** А1 ОН.**