Бујар Османи: Околу 250 илјади граѓани имаат бугарски пасоши и индивидуално уживаат во правата на ЕУ

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Бујар Османи: Околу 250 илјади граѓани имаат бугарски пасоши и индивидуално уживаат во правата на ЕУ

31 март 2026

• од Станча Јаќимовски

Поранешниот министер за надворешни работи и потпретседател на Демократска унија за интеграција (ДУИ), Бујар Османи, во објава на социјалната мрежа Facebook, напишана на албански и англиски јазик, изнесе сериозни обвинувања за политичките текови во земјата и процесот на евроинтеграција.

Османи ја обвини ВМРО-ДПМНЕ за, како што вели, поткопување на процесот на интеграција на Северна Македонија во Европска Унија, при што наведе три главни причини кои, според него, го одржуваат ваквиот политички курс.

Три причини за „стабилниот курс“

Во својата објава, Османи истакна дека постојат три фактори кои делуваат истовремено:

1. Надворешно влијание

Според него, актуелната влада е формирана со поддршка на европска политичка елита која е скептична кон Европската Унија и која, како што тврди, претставува канал на руско влијание во рамките на Унијата.

„Оваа поддршка нема за цел да ја забрза интеграцијата, туку да ја ослабне и релативизира на Балканот“, нагласува Османи.

2. Недостаток на внатрешна политичка противтежа

Османи смета дека традиционалната улога на албанскиот политички фактор како гарант на евроатлантската ориентација е ослабена.

„Денес, со заробена и бестежинска репрезентативност како ВЛЕН, оваа противтежа недостасува. За првпат, нема вистински отпор кон овој курс“, наведува тој.

3. Однесувањето на електоратот

Како трет фактор, поранешниот министер го посочува односот на граѓаните кон европските придобивки.

„Околу 250 илјади граѓани добија бугарски пасоши и индивидуално уживаат во правата на ЕУ. Тие ги имаат придобивките, без да бидат заинтересирани за трошоците за реформите. Кога електоратот ќе го добие ‘морковот’, тој не бара ‘стап’“, истакнува Османи.

Заклучок: „Нова политичка рамнотежа“

Во својата анализа, Османи заклучува дека актуелната состојба не е случајна, туку резултат на комбинација од надворешен притисок, внатрешен политички вакуум и намален притисок од јавноста.

„Во оваа комбинација – притисок однадвор, вакуум одвнатре и недостаток на притисок од долу – блокадата на интеграцијата не е случајна. Тоа е резултат на нова политичка рамнотежа“, заклучува поранешниот шеф на дипломатијата.