Британската амбасада во Скопје ја одбележа иницијативата „Амбасадорка за еден ден“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Британската амбасада во Скопје ја одбележа иницијативата „Амбасадорка за еден ден“

04 март 2026

• од Станча Јаќимовски

Денес Британската амбасада во Скопје со гордост ја пречека победничката на програмата „Амбасадорка за еден ден“, како дел од активностите по повод Меѓународниот ден на жената.

Денот започна во резиденцијата на амбасадорот. Победничката Загорка Панова од Неготино беше пречекана од амбасадорот на Обединетото Кралство во Северна Македонија, Метју Лосон. Тие имаа отворен разговор за нејзините идеи, нејзиниот пат кон лидерство и британската хероина која ја инспирирала да се пријави на програмата. Загорка имаше можност и да види како изгледа интервју на амбасадорот за медиуми и одблиску да научи како се објаснува дипломатијата пред јавноста.

Во Британската амбасада, Загорка се сретна со тимот на амбасадата. Таа дозна како функционира дипломатијата во пракса и разговараше со вработените за тоа колку се важни комуникацијата, политиките и партнерствата за зајакнување на односите меѓу Обединетото Кралство и Северна Македонија.

Потоа програмата продолжи во гимназијата „Орце Николов“. Таму амбасадорот Метју Лосон и „Амбасадорката за еден ден“ учествуваа на настан посветен на девојките и жените во сајбер безбедноста. Заедно со ученици од гимназијата „Зеф Љуш Марку“, млади Македонки и Албанки разговараа за сајбер безбедност, лидерство и за тоа колку е важно меѓусебно да се поддржуваат додека ја градат дигиталната иднина.

Денот заврши со прием за добредојде на новите стипендисти кои се вратија од студии во Обединетото Кралство. Настанот го водеа амбасадорот Метју Лосон и „Амбасадорката за еден ден“. На приемот беа поздравени Бесмира, Илир, Антонио, Оливера, Гуксим и Никола, кои успешно ги завршија своите студии со престижната стипендија „Чивнинг“. Тие студираа различни области, како медиуми, образование, меѓународен развој, право за човекови права и наука за податоци.

Поддршката и зајакнувањето на жените и девојките не е тема само за еден ден. Тоа е заложба на која продолжуваме да работиме секој ден.